Bakı Dövlət Universiteti Tətbiqi riyaziyyat və kibernetika fakültəsi

Optimallaşdırma və idarəetmə kafedrası 1980-ci ildə BDU-nun Tətbiqi riyaziyyat kafedrasının bazası əsasında yaradılmışdır. Bu kafedra optimallaşdırma və idarəetmənin riyazi nəzəriyyəsi və tətbiqi üsulları üzrə Respublikada fəaliyyət göstərən ilk kafedradır. 1980-2015-ci illərdə kafedraya əməkdar elm xadimi, fizika riyaziyyat elmlər doktoru, professor Asəf  Daşdəmir oğlu İsgəndərov rəhbərlik etmişdir. Kafedraya 2016-cı ildən riyaziyyat üzrə elmlər doktoru, professor Rafiq Qələndər oğlu Tağıyev rəhbərlik edir. Hal hazırda kafedrada bir professor, 2 dosent, bir  baş müəllim, bir müəllim  və bir böyük laborant çalışır.