Bakı Dövlət Universiteti Tətbiqi riyaziyyat və kibernetika fakültəsi

   21 oktyabr 2026-cı il tarixində Bakı Dövlət Universitetinin Tətbiqi riyaziyyat və kibernetika fakültəsinin Kompüter elmləri ixtisası üzrə tələbələri üçün fişinq hücumları mövzusunda seminar keçirildi.

   Seminar zamanı fişinq hücumlarının mahiyyəti, saxta e-poçtların, SMS-lərin və veb-saytların tanınması, kibercinayətkarların insan psixologiyasından istifadə üsulları müzakirə olundu. Praktiki hissədə fişinq hücumlarının qurulması və aşkar edilməsi əyani şəkildə nümayiş etdirildi.

   Seminar çərçivəsində rəqəmsal təhlükəsizlik qaydalarına əməl olunmasının, şəxsi məlumatların qorunmasının və potensial kibertəhlükələrin vaxtında müəyyən edilməsinin əhəmiyyəti xüsusi vurğulandı. İstifadəçilərə parol və bank kartı məlumatlarını naməlum şəxslərlə paylaşmamaq, şübhəli elektron məktublara və keçidlərə qarşı diqqətli olmaq tövsiyə edildi.