Bakı Dövlət Universiteti Tətbiqi riyaziyyat və kibernetika fakültəsi

Azərbaycan Tibb Universitetinin təşkilatçılığı ilə 5 Mart "Bədən Tərbiyəsi və İdman Günü”nə həsr olunmuş ali təhsil müəssisələrinin tələbələri (oğlanlar) arasında 3x3 basketbol üzrə turnir keçirilmişdir. Tərkibində Tətbiqi riyaziyyat və kibernetika fakültəsindən də 2 tələbə olan Bakı Dövlət Universitetinin basketbol  komandası qrup mərhələsində bütün rəqiblərini üstələmiş və finalda gərgin qarşılaşmada Tibb Universitetinin komandasına da qalib gəlməklə turnirin birincisi olmuşdur. Yarışın sonunda qalib komanda kubok və medallarla təltif olunmuşdur.