Bakı Dövlət Universiteti Tətbiqi riyaziyyat və kibernetika fakültəsi

"BDU Könüllüləri" təşkilatının Tətbiqi riyaziyyat və kibernetika fakültəsi könüllülərinin təşkilatçılığı ilə 26 aprel tarixində Ümummilli Lider Heydər Əliyevin 100 illik yubileyinə həsr olunmuş "Cəmiyyətin sosial problemləri" adlı tədbir keçirilib. 

Tədbirdə günümüzdə aktual olan mövzulardan: qadın zorakılığı, narkomaniya, ailə daxili şiddət kimi mövzular müzakirə olunmuş, Tətbiqi riyaziyyat və kibernetika fakültəsinin Humanitar məsələləri üzrə dekan müavini Şamo Cəbrayılov və fakültə könüllüləri bu mövzuda tələbələrə maarifləndirici məlumatlar vermiş, tələbələrin bu mövzularda fikirləri öyrənilmişdir.