ENG31 qrupunun tələbələri universitetin dəstəyi ilə Azərkosmosun Əsas Yerüstü Peyk İdarəetmə Mərkəzində info turda oldular.
Bu gün BDU-nun Tətbiqi riyaziyyat və kibernetika fakültəsinin ENG31 qrupunun tələbələri universitetin dəstəyi ilə Azərkosmosun Əsas Yerüstü Peyk İdarəetmə Mərkəzində info turda oldular. Ekskursiya mərkəzin binası ilə tanışlıqla başladı. Tələbələr Azərkosmosun fəaliyyəti haqqında mərkəzin ictimaiyyətlə əlaqələr, kommunikasiya və media şöbəsinin baş mütəxəssisi Nigar Kazımova tərəfindən ətraflı məlumatlandırılmış, Azərbaycanın “Azerspace-1” və “Azerspace-2” telekommunikasiya , həmçinin 2014-cü ildə orbitə buraxılan “Azersky” müşahidə peyklərinin xidmət sahələri, iş prinsipləri və ən son qlobal kosmik layihələrlə tanış olmuş, eləcə də Azərkosmosda təcrübə və karyera imkanları haqqında məlumatlandırılmışlar. Daha sonra Nigar xanım “Antenalar meydançasında” yerləşən Ku- və C-diapazonlarında işləyən antenalar haqqında tələbələrə məlumat vermiş və onları maraqlandıran sualları cavablandırmışdır.
