YUBİLEYİNİZ MÜBARƏK OLSUN!
Tətbiqi riyaziyyat və kibernetika fakültəsinin İqtisadi kibernetika kafedrasının dosenti, iqtisad elmləri namizədi Abbasova Şərqiyyə Abbas qızının 05 aprel 2025-ci il tarixində 70 yaşı tamam olur.
Abbasova Şərqiyyə Abbas qızı 1972-çi ildə 27 saylı Bakı şəhər orta məktəbini bitirmiş və həmin ildə Azərbaycan Dövlət Universitetinin (indiki Bakı Dövlət Universiteti) Tətbiqi riyaziyyat fakültəsinə daxil olmuşdur. 1977-ci ildə Tətbiqi riyaziyyat fakültəsini müvəffəqiyyətlə bitirdikdən sonra Kaskad firmasında mütəxəssis kimi işləməyə başlamışdır. 1979-1997-ci illərdə Azərbaycan Milli Elmlər Akademiyasının Mexanika və Riyaziyyat institutunda çalışmışdır. 1997-ci ildən hal hazıra kimi Bakı Dövlət Universitetinin İqtisadi kibernetika kafedrasında dosent vəzifəsində işləyir.
Abbasova Şərqiyyə Abbas qızı 1992-ci ildə "Şəhər sərnişin nəqliyyatı fəaliyyətin mükəmməlləşdirilməsinin iqtisadi-riyazi modelləri" mövzusunda namizədlik dissertasiyasını müdafiə etmişdir. İqtisad elmləri namizədidir. 2003-cü ildə dosent elmi adına layiq görülmüşdür. 100-dən çox məqalənin və 2 dərs vəsaitinin müəllifidir. Makroiqtisadi təhlil və modelləşdirilmə: davamlı insan inkişafı, iqtisadi artım, ekonometrika, iqtisadiyyatin riyazi modelləri onun tədqiqat sahəsidir. O, 2 fəlsəfə doktoru yetişdirmişdir.
Tətbiqi riyaziyyat və kibernetika fakültəsinin kollektivi 70 illik yubileyi münasibətilə dosent Abbasova Şərqiyyə Abbas qızını səmimi qəlbdən təbrik edir, ona möhkəm can sağlığı və elmi-pedaqoji fəaliyyətində uğurlar arzu edir.