Bakı Dövlət Universiteti Tətbiqi riyaziyyat və kibernetika fakültəsi

   BDU Tətbiqi riyaziyyat və kibernetika fakültəsinin elmi  seminarında  Tətbiqi riyaziyyat  kafedrasının professoru  Nəbiyev  İbrahim Mayıl oğlunun “Yarım ayrılan sərhəd şərtli  diferensial operatorların spektral xassələri” mövzusunda məruzə etmişdir.

   Məruzədə müxtəlif  sərhəd şərtli ikinci tərtib diferensial operatorlar  üçün düz və tərs spektral məsələlərə dair son illərdə alınmış elmi nəticələr barədə məlumat verildi. Diferensial operatorların əsas spektral verilənlərinin öyrənilməsi düz spektral məsələ, müəyyən spektral verilənlərə görə  operatorların bərpası isə tərs spektral məsələ adlanır. Spektral verilənlər olaraq  bir, iki, üç və daha çox spektr, spektr və normallaşdırıcı ədədlər, spektral funksiya, spektr və işarələr ardıcıllığı, spektr və normallaşdırıcı ədədlər, səpilmə verilənləri, Veyl  funksiyası və başqaları götürülür. Tərs məsələlər mexanikada, fizikada,  geofizikada,  elektronikada, meteorologiyada və elmin və texnikanın digər sahələrində geniş  tətbiq edilir. Seminarda ayrılmayan sərhəd şərtlərində spektral parametr olan hallarda bərpa məsələlərinə dair yeni nəticələrdən bəhs ediləcək.

  Seminarın sonunda professor İbrahim Nəbiyev seminar iştirakçılarının çox saylı suallarını cavablandırdı.