8 noyabr 2020-ci il - Bu tarix Qarabağa qovuşduğumuz tarixdir! Bu gün Böyük Qələbə Günüdür!
8 noyabr 2020-ci il - Bu tarix Qarabağa qovuşduğumuz tarixdir! Bu gün Böyük Qələbə Günüdür!
Bu Şanlı Qələbəni qeyd etmək məqsədi ilə 7 noyabr 2023-cü il tarixində BDU-nun Tətbiqi riyaziyyat və kibernetika fakültəsində tədbir keçirildi.
Fakültənin professor-müəllim heyəti, tələbə və qazilərin iştirakı ilə baş tutan tədbir Azərbaycan Respublikasının Dövlət Himninin səsləndirilməsi və Vətən müharibəsi şəhidlərinin əziz xatirəsinin bir dəqiqəlik sükutla yad edilməsi ilə başladı. İlk olaraq fakültənin dekanı akademik Məhəmməd Mehdiyevə söz verildi. O, Ali Baş Komandanın qətiyyətli mövqeyi, Azərbaycan əsgərinin rəşadəti, şücaəti, xalqımızın birliyi, həmrəyliyi və Müzəffər Ordumuzun 44 gün ərzində döyüş meydanında göstərdiyi qəhrəmanlıqları sayəsində qazanılmış qələbəmizdən danışaraq, tədbir iştirakçılarını təbrik etdi. Daha sonra tədbir iştirakçıları 27 sentyabr 2020-ci il tarixindən Qələbəyə qədər olan 44 gün ərzində inamla irəliləyən, qorxmaz, cəsur əsgərlərimiz və düşmən tərəfindən işğal olunmuş torpaqlarımızın azad olunması haqqında hazırlanmış videoçarxı izlədilər.
Fakültənin 2-ci kurs tələbələri Şəhidlik zirvəsinə ucalmış igidlərimizin həyat hekayələrini, hərbi xidmətlərini, cəbhədəki şücaətlərini araşdıraraq topladıqları məlumatlardan danışdılar. Tədbir tələbələrin ifasında “Cənab leytenant” mahnısı ilə davam etdirildi. Daha sonra 1-ci kurs tələbəsi Aydan Hüseynova "Şəhid anası" şeiri ilə çıxış etdi.
Tədbir fakültənin tələbələrinin ifasında səsləndirilmiş “Xudayar təsnifi” ilə yekunlaşdı.
