Heydər Əliyev - 100
11 may 2023-cü ildə Bakı Dövlət Universitetinin Tətbiqi riyaziyyat və kibernetika fakültəsinin Tələbə Elmi Cəmiyyətinin və baş müəllim, filologiya üzrə fəlsəfə doktoru Gülşən Akif qızı Məhərrəmovanın təşəbbüsü ilə Heydər Əliyevin 100 illiyinə həsr olunmuş tədbir keçirilib. Tədbirdə fakültə rəhbərliyi, müəllimlər və tələblər iştirak ediblər. Öncə Azərbaycan Respublikasının Dövlət Himni səsləndirilib. Sonra Heydər Əliyevin ömür yolundan bəhs olunan videoçarx nümayiş olunub. Tədbirdə fakültəsinin I kurs, Tİ – 75-ci qrup tələbələrinin iştirakı ilə ingilis dilində Heydər Əliyevin həyat və fəaliyyəti ilə bağlı çıxışlar edilib, təqdimatlar nümayiş olunub, tələbələr mahnı ifa ediblər. Çıxışlarda Heydər Əliyevin gələcək nəsillərə örnək ömür yolundan, müstəqil Azərbaycanın qurulması və inkişaf etdirilməsi uğrunda apardığı yorulmaz və ardıcıl mübarizədən söz açılıb, bu gün həmin böyük missiyanın Ali Baş Komandan İlham Əliyev tərəfindən davam etdirildiyi vuğrulanıb. Sonda Tətbiqi riyaziyyat və kibernetika fakültəsinin elmi işlər üzrə dekan müavini Aytəkin Əfəndiyeva çıxış edərək, I kurs tələbələrinə “Xarici dildə işgüzar və akademik kommunikasiya” fənnini tədris edən fil.ü.f.d., baş müəllim Gülşən Məhərrəmovanın təşəbbüsünü yüksək qiymətləndirib, aktivliklərinə və tədbirin ingilis dilində yüksək səviyyədə keçirilməsinə görə tələbələrə təşəkkürünü bildirib.
