Bakı Dövlət Universiteti Tətbiqi riyaziyyat və kibernetika fakültəsi

Bakı Dövlət Universitetinin (BDU) Tətbiqi riyaziyyat və kibernetika fakültəsi üzrə könüllülərin təşkilatçılığı ilə Ulu Öndər Heydər Əliyevin 100 illik yubileyinə həsr olunmuş "Qeyri-səlis məntiq nəzəriyyəsinin banisi - Lütfi Zadə" adlı seminar təşkil olunub. Seminarda fakültənin humanitar məsələlər üzrə dekan müavini Şamo Cəbrayılov, kafedra müdiri Fərhad Mirzəyev, müəllim Reyhan Yusifqızı, fakültənin könüllüləri və tələbələri iştirak edib. Çıxış edən Reyhan Yusifqızı Lütfi Zadənin ən böyük kəşfi olan "Qeyri-səlis məntiq nəzəriyyəsi nədir?", "Lütfi Zadə dünyaya nəyi bəxş etmişdir?" kimi mövzularda çıxış edib, tələbələrin suallarını cavablandırıb.