Zəfər gününə həsr olunmuş dərs
Bakı Dövlət Universitetinin Tətbiqi Riyaziyyat və Kibernetika fakültəsinin TK-99 qrupunun tələbələri 06.11.2023 tarixində Süleymanzadə Səidə müəllimənin tədris etdiyi ingilis dili dərsini Vətən müharibəsində qəhrəmancasına döyüşərək tarix yazan Şəhidlərimizin əziz xatirəsinə həsr ediblər. Belə ki, tələbələr Şəhidlik zirvəsinə ucalmış igidlərimizin həyat hekayəsini, hərbi xidmətini, cəbhədəki şücaətlərini araşdıraraq onlar haqqında çıxışlar hazırlayıb, videoçarxlar düzəldiblər.
Vətən uğrunda canından keçən Şəhidlərimizi tanımaq, tanıtmaq, onları yad etmək hər birimizin borcudur. Zəfər gününü bizə bəxş edən əsgərlərimizin hər biri bizim üçün əziz və dəyərlidir. Vətənimizin igid oğulları, ruhunuz qarşısında baş əyirik!
Allah Qazilərimizə şəfa versin, Şəhidlərimizə rəhmət etsin!